Mynd ar Helfa Gnau Pathewod

​Gweithgarwch braf i’w wneud gyda’r plant yn yr hydref yw ymweld â’r coetir lleol a chwilio am gnau cyll sydd wedi’u hagor gan bathewod. Bydd y fideo isod yn ganllaw i chi ar gyfer eich helfa gnau gyntaf!

Creu Llwybr Draenogod

Cydweithiwch â’ch cymdogion i greu bylchau draenogod yn ffensys a waliau’r ardd i helpu draenogod yr ardal. Gofynnwch i’r plant wneud arwyddion ‘Ddraenogod, dewch y ffordd yma’! 

Archwilio Pyllau Dŵr

Mae archwilio pyllau dŵr yn ffordd wych i ddarganfod byd natur a byddwch yn rhyfeddu at yr amrywiaeth o greaduriaid sy’n byw mewn pyllau.  Mae’r canllaw hwn yn dangos i chi sut i archwilio pyllau mewn ffordd gyfrifol – mae’n bwysig meddwl am bethau fel glanhau offer er mwyn peidio â lledaenu clefydau. 

Chwilio am fywyd gwyllt yn eich gardd neu barc lleol

Pa anifeiliaid a phlanhigion sy’n byw yn eich ardal leol? Ewch i weld beth sydd yno, wedyn gwnewch arwydd i’w roi yn eich ffenestr i ddweud wrth eich cymdogion am y bywyd gwyllt rhyfeddol sydd ar garreg eich drws. 

Dod yn Gofnodwr Natur

Ydych chi am ddysgu enwau rhai o’r creaduriaid bach, adar, planhigion a choed mwyaf cyffredin? Edrychwch ar y dalennau gwylwyr natur hyn gan yr RSPB  a dechrau cofnodi! Cadwch lyfr nodiadau wrth law i gofnodi beth rydych wedi’i weld.