Mae Mark Steer, un o aelodau’r PNL, wedi bod yn arsylwi ar chwilod olew porffor (Meloe violaceus) yng Ngwarchodfa Natur Coed Brynna er 2012. Ceir nifer da o’r chwilod hyn yn y warchodfa natur ac yn 2020 roedd Mark wedi cofnodi 83 o chwilod rhwng 16 Mawrth a 27 Ebrill. Roedd hefyd wedi dod o hyd i ddau safle newydd lle’r oedd y chwilen hon yn bresennol yn y warchodfa natur. Gellir gwahaniaethu’r benywod oddi wrth y gwrywod am fod eu teimlyddion yn grwm yn hytrach na chrychiog. Mae’r gwrywod hefyd yn gollwng olew melyn o’u cymalau glin, sef ffordd i’w hamddiffyn eu hunain rhag ysglyfaethu.

Mae chwilod olew yn dibynnu ar wenyn unig i gwblhau eu cylch bywyd. Felly mae poblogaethau o chwilod olew yn dibynnu am eu hiechyd ar iechyd ac amrywiaeth y gwenyn gwyllt. Mae chwilod olew yn ymateb i newidiadau mewn arferion rheoli tir ac maent yn ddangosydd da ar gyfer iechyd cefn gwlad (Buglife).

Lluniau: Mark Steer